„Ég held að mér hefur aldrei liðið jafn vel og mér líður akkúrat núna" sagði Samúel Már Kristinsson leikmaður KV eftir að liðið tryggði sér þátttökurétt í Lengjudeildinni á næstu leiktíð með sigri á Þrótti Vogum í dag.
leiknum lauk með 2-0 sigri KV en Samúel segir að það hafi verið mikill léttir að skora seinna markið.
„Léttirinn kom þegar við settum annað markið, það eru 3-4 leikir í sumar sem við missum niður í tap eða jafntefli á 90 mínútu þannig það var léttir þegar við skorum annað markið."
Hann býst ekki við miklum breytingum á hópnum, telur liðið vera með besta hópinn á landinu.
„Ef einhver vill koma þá er þetta besti og skemmtilegasti hópurinn á landinu."
KV fór upp um tvær deildir á tveimur árum en Samúel hrósar Sigurvin Ólafsyni þjálfara liðsins í hástert fyrir þann árangur. Viðtalið í heildsinni má sjá hér að ofan.
Athugasemdir
