Virgil Van Dijk, varnarmaður Liverpool, segist ekki finna fyrir pressu á liðinu í titilbaráttunni. Liverpool er með fullt hús stiga og átta stigum á undan meisturum Manchester City eftir átta umferðir á þessu tímabili.
„Ég held að við höfum engu að tapa. Man City eru meistarar, þeir eru að verja titlinn en við viljum vinna hann," sagði Van Dijk í viðtali við Sky Sports.
„Pressan verður meiri en það kemur frá fjömiðlum. Þeir elska að setja meiri pressu á okkur og það er eitthvað sem við þurfum að takast á við. Mér er sama því ég er ekki að hugsa um það hvað aðrir segja. Ég vil bara vinna alla leiki sem eru framundan."
„ Við njótum þess klárlega (að vera á toppnum) fullir sjálfstrausts, sérstaklega miðað við það hvernig við höfum fengið stigin. Við höfum ekki alltaf átt bestu leikina en samt höfum við náð í sigra.
Það eru margir leikir eftir svo þú getur í raun ekki talað um það strax (að vinna titilinn). Það er ekki raunhæft."
„Ég horfi ekki á leiki Man City en fjölskylda og vinir senda mér skilaboð og segja eitthvað, sérstaklega eftir Wolves leikinn (þar sem City tapaði 2-0). Það er bara hluti af lífinu en við höfum lært það undanfarin ár að við þurfum ekki að horfa á aðra fyrr en í lok tímabils. Við höfum staðið okkur vel hingað til en Man City er klárlega ekki á leiðinni í burtu," sagði Van Dijk en hann segir hungrið í titil hjá Liverpool vera ennþá meira eftir sigurinn í Meistaradeildinni síðastliðið vor.
„Hungrið er ennþá meira en áður. Allir vilja upplifa þetta aftur. Þetta var stórkostlegt kvöld sem byrjaði að byggjast upp í leiknum gegn Barcelona á heimavelli. Við eigum allir drauma og markmið. Við vildum allir vinna Meistaradeildina þegar hún hófst á síðasta tímabili og það sama á við um ensku úrvalsdeildina. Vonandi gerist þetta á þessu ári, ef ekki þá reynum við aftur á næsta ári."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
