Heimamenn í West Ham byrjuðu leikinn betur og tóku völdin strax. Þegar líða tók á fyrri hálfleik komust gestirnir frá WBA hins vegar betur inn í leikinn.

Þegar allt stefndi í að það yrði markalaust í fyrri hálfleik þá komst West Ham yfir á lokaandartökum fyrri hálfleiks. Said Benrahma fann þá Vladimir Coufal sem senti fyrir á Jarrod Bowen sem skoraði með brjóstkassanum. Snyrtilegt mark hjá heimamönnum.

Staðan var 1-0 í hálfleik en á 50. mínútu jöfnuðu gestirnir eftir flott skot frá Matheus Pereira. Markið kom eins og þruma úr heiðskýru lofti.

Heimamenn héldu hins vegar áfram að sækja og stuttu síðar skoraði Michail Antonio eftir sendingu frá Andriy Yarmolenko og Hamrarnir því aftur komnir í forystu.

Darnell Furlong fékk gott færi til að jafna metin fyrir gestina í lokin en inn vildi boltinn ekki. Góður sigur hjá West Ham staðreynd.