Það var mikilvægt fyrir Kristianstad að fara á góðum nótum inn í fríið og það var akkúrat það sem þær gerðu. Kristianstad komst yfir eftir þrjár mínútur og komst í 2-0 fyrir leikhlé með marki úr vítaspyrnu. Þriðja markið kom í uppbótartíma.

Elíasbet Gunnarsdóttir er þjálfari Kristianstad sem er í sjötta sæti sænsku deildarinnar sem er í sjötta sæti með 11 stig eftir sjö leiki.

Svava Rós Guðmunsdóttir lék í dag 79 mínútur fyrir Kristianstad. Sif Atladóttir spilaði allan leikinn.

Andrea Thorisson lék 62 mínútur fyrir Limhamn Bunkeflo í 3-0 tapi gegn Göteborg. Limhamn Bunkeflo er í tíunda sæti með fjögur stig eftir sex leiki.

Andrea er 21 árs gömul. Hún á íslenska móður og föður frá Perú. Hún er fædd í Svíþjóð og hefur leikið bæði fyrir yngri landslið Íslands og Svíþjóð.