Sindri Kristinn
Daníel Finns.
„Mér líður ógeðslega vel með þetta. Ég held að við unnum síðast í deildinni gegn Blikum fyrir sjö umferðum. Við erum búnir að bíða lengi eftir þessum sigri og ég held að sigurinn gegn HK í bikarnum hafi gefið okkur rosalega mikið inn í þennan leik," sagði Sindri Kristinn Ólafsson, markvörður Keflavíkur, eftir sigur gegn Leikni.
Lestu um leikinn: Leiknir R. 0 - 1 Keflavík
„Ógeðslega ánægður að halda hreinu. Við erum komnir með 5 eða 6 clean sheets í deildinni. Erum svolítið upp og niður eins og er oft hjá nýliðum. Stundum byrja mörkin að leka. Þegar þú heldur hreinu þá þarftu bara eitt mark eins og sýndi sig í dag."
Leiknismenn vildu fá tvær vítaspyrnu í leiknum og í öðru atvikinu var Sindri í sviðsljósinu. Hann virtist fara í Daníel Finns Matthíasson sem féll við í teignum. Hafa Leiknismenn eitthvað til síns máls?
„Já, allavega í einu atvikinu. Það hefði alveg verið hægt að dæma víti á mig ef ég á að vera fullkomlega hreinskilinn. Við hefðum líka átt að fá víti hinu megin en ég nenni ekki að vera afsaka mig eitthvað þannig en jú, þetta var víti."
Þú ferð alveg klárlega í hann? „Já, ég kem eins nálægt og ég get, renn mér hnjánum og hann gerir rosalega vel að koma boltanum aðeins til hliðar og lætur mig koma á sig. Þetta var hrikalega vel gert hjá Danna, hann er bara geggjaður leikmaður. En hann dæmdi ekki og við erum ánægðir með það. í þessu tiltekna atvikið hefði ég viljað fá víti ef þetta hefði verið liðsfélagi minn."
Þannig þú hugsar í þessu atviki að dómarinn væri að fara dæma víti? „Já, ég var bara að bíða eftir flautinu sko. Ég var mjög glaður þegar það kom ekki. Danni kom síðan til mín og spurði mig hvort þetta hefði ekki örugglega verið víti og ég reyndi að segja sem minnst. Hann getur skoðað þetta viðtal á eftir og séð að þetta var örugglega víti," sagði Sindri.
Nánar er rætt við Sindra í spilaranum að ofan. Hann er meðal ananrs spurður út í sína framtíð og hvort Brynjar Hlöðversson hefði átt að fá rautt spjald.
Athugasemdir
