Ragna Lóa er besti þjálfari fyrri umferðar í Pepsi-deild kvenna
Í dag var lið umferða 1-9 í Pepsi-deild kvenna kunngjört, ásamt þjálfara, dómara og stuðningsmönnum. Ragna Lóa Stefánsdóttir, þjálfari nýliða Fylkis er þjálfari umferðar 1-9 í Pepsi-deildinni.
,,Þetta kemur mér auðvitað á óvart. Þetta er hinsvegar mjög skemmtilegt og ég er mjög stolt. Þetta er ekkert erfitt að vera þjálfari umferða 1-9 með svona lið," sagði Ragna Lóa en Fylkissliðið var í 3. sæti deildarinnar eftir fyrri umferðina.
,,Þetta kemur mér auðvitað á óvart. Þetta er hinsvegar mjög skemmtilegt og ég er mjög stolt. Þetta er ekkert erfitt að vera þjálfari umferða 1-9 með svona lið," sagði Ragna Lóa en Fylkissliðið var í 3. sæti deildarinnar eftir fyrri umferðina.
,,Fylkisstelpurnar leggja mikið á sig og voru svekktar þegar þær féllu sumarið 2012. Stefnan var að sanna sig og halda sér í deildinni. Það er mjög mikill uppgangur hjá Fylki, ekki bara liðinu, heldur allri umgjörð og stefnu félagsins. Framtíðin er ótrúlega björt," sagði Ragna Lóa og býst við að Fylkissliðið verði komið eitt af þremur bestu liðum landsins á næstu árum.
Nú styttist í stærstu ferðahelgi ársins, Verslunarmannahelgina sjálfa. Ragna Lóa býst við því að sínar stelpur skemmti sér vel en fari eftir reglum.
,,Það verður örugglega mjög gaman. Við höfum alltaf gaman í Fylki. Það er leikur eftir Verslunarmannahelgina og stelpurnar vita sínar reglur og skyldur. Það verður farið eftir þeim," sagði Ragna Lóa að lokum.
Viðtalið má sjá í heild sinni í sjónvarpinu hér að ofan.
Athugasemdir
