Hallbera var að vonum sátt eftir að hafa tryggt sér Íslandsmeistaratitilinn með Val eftir 3-2 sigur gegn Keflavík.
Hallbera átti gríðarlega góðan leik í bakverðinum, skoraði fyrsta markið og lagði upp það þriðija.

Lestu um leikinn: Valur 3 -  2 Keflavík

Þú ert orðin Íslandsmeistari, hvernig líður þér?

„Mér líður bara fáránlega vel, þetta er búið að vera langt tímabil og pressa á okkur að vissu leyti og máttum ekki misstíga okkur. Það var ætlast til mikils af okkur og mér fannst við standa undir pressunni og klára þetta sannfærandi.''

Þú segir að þið klárið þetta sannfærandi, þið unnuð bara 3-2 gegn föllnu liði Keflavíkur, ertu sátt með hvernig leikurinn spilaðist?

„Nei ég var orðin drullu pirruð, ég viðurkenni það. Ég get samt alveg sagt þér það samt að það var engin hætta á að við værum að fara að tapa þessum leik. En það var smá spenna í þessu, en heilt yfir höfum við verið mjög sannfærandi í mótinu og erum besta liðið á landinu.''

Er öðruvísi að vinna titilinn í rauðu heldur en grænu?

„Nei það er ekkert öðruvísi, kannski er orðið svona langt síðan að maður vann titil síðast en þessi er bara ógeðslega sætur, mér fannst við þurfa að hafa meira fyrir þessum en oft áður svo ég verð að flokka þennan sem sætasta titilinn.''

Viðtalið í heild sinni má sjá í spilaranum hér að ofan, en þar ræðir Hallbera betur um leikinn, titilinn, pressuna á liðinu, reynsluna og kapphlaupið við Breiðablik.

Tweet

Senda a Facebook Hafdu samband Senda frétt Prenta frétt Frétta leit