Skömmu fyrir mark Valgeirs fékk hann að líta gula spjaldið þegar dómari leiksins taldi Valgeir hafa verið með leikaraskap. Við endursýningu sést að stigið var á Valgeir áður en hann féll til jarðar.

Valgeir varð þá fyrir meiðslum í seinni hálfleik og þurfti að yfirgefa völlinn eftir ríflega 70 mínútna leik vegna axlarmeiðsla. Valgeir var spurður út í meiðslin og gula spjaldið í gær.

Ákvað að eyða pirringnum vegna spjaldsins í að breyta leiknum
Kveikti það í Valgeiri að hafa fengið að líta gula spjaldið?

„Já auðvitað. Mér fannst þetta aldrei vera dýfa hjá mér og í staðinn fyrir að eyða pirringnum í dómarann ákvað ég að nýta hann frekar inn á vellinum gegn andstæðingnum. Ég ætlaði að gera það með þvi að breyta leiknum okkur í vil. Það virkaði helvíti vel þar sem ég skoraði nokkrum mínútum síðar," sagði Valgeir.

Sjá einnig:
Dómarinn gaf Valgeiri gult fyrir leikaraskap: Hann á að fá aukaspyrnu

Í gær var sagt frá því að Valgeir yrði frá keppni í um tvær vikur.

Valgeir bætti aðeins við fyrri ummæli sín: „Læknirinn sagði að ég verði frá í kringum tvær vikur en ef allt gengur hrikalega vel í endurhæfingunni gæti það verið aðeins skemmri tími."