Brasilíski framherjinn Richarlison var valinn sem besti leikmaður síðasta tímabils hjá Everton eftir harða samkeppni við franska bakvörðinn Lucas Digne.
Everton kynnti niðurstöðuna í morgun með myndbandi þar sem enginn annar en Neymar afhendir landsliðsfélaga sínum verðlaunastyttuna.
Hinn 23 ára gamli Richarlison skoraði 15 mörk í 41 leik fyrir Everton á síðustu leiktíð, auk þess að leggja fjögur upp.
Carlo Ancelotti hefur gert miklar breytingar á miðju Everton en Richarlison er enn með byrjunarliðssæti á kantinum og er kominn með tvær stoðsendingar eftir tvær fyrstu umferðir nýs úrvalsdeildartímabils.
Richarlison hefur skorað 6 mörk í 19 landsleikjum með Brasilíu.
🇧🇷 | After an assist from @neymarjr and @PSG_English, your 2019/20 Player of the Season @richarlison97 is excited about our future...#EFC 🔵 pic.twitter.com/RYgirqIFE8
— Everton (@Everton) September 23, 2020
Athugasemdir
