Tímabilið hjá Man Utd var arfaslakt en liðið hafnaði í 15. sæti deildarinnar, slakasti árangur liðsins í úrvalsdeildinni. Hann ávarpaði stuðningsmenn liðsins eftir leikinn
„Fyrst og fremst vil ég biðjast afsökunar á þessu tímabili, ég er mjög vonsvikinn með liðið. Í öðru lagi vil ég þakka fyrir mig. Við erum mjög þakklátir fyrir ykkar stuðning. Ég veit að þetta var erfitt í mörgum leikjum," sagði Amorim.
Amorim tók við United í nóvember eftir að Erik ten Hag var rekinn. Hann varaði stuðningsmenn liðsins við því að það væru erfiðir tímar framundan en hann biðlaði til þeirra í dag að horfa jákvæðum augum á framtíðina.
„Nú þurfum við að taka ákvarðanir. Annað hvort berjumst við hvorn við annan eða þjöppum okkur saman og höldum áfram veginn. Fyrir sex mánuðum sagði ég að stormurinn væri að koma. Í dag, eftir þetta hörmulega tímabil, vil ég segja ykkur að góðu dagarnir eru að koma.“
Athugasemdir
