Argentínski vængmaðurinn Alejandro Garnacho mun ferðast með Manchester United til Asíu eftir tímabilið. Þetta staðfesti Ruben Amorim, stjóri félagsins, við TNT Sports í dag.
Athletic sagði frá því í gær að Amorim hefði tjáð Garnacho að hann mætti finna sér nýtt félag eftir tímabilið.
Hann er ekki í hópnum hjá United gegn Aston Villa í lokaumferðinni í dag en Amorim var spurður út í fjarveru hans rétt fyrir leik.
„Garnacho er leikmaður Manchester United en er ekki í hópnum í dag. Hann heldur samt áfram að vera leikmaður félagsins,“ sagði Amorim.
Argentínumaðurinn mun fara í Asíu-ferðina með United strax eftir tímabilið, en það má gera ráð fyrir því að hann verði látinn fara síðar í sumar.
„Já, það fara allir í þessa ferð. Við verðum að hitta stuðningsmennina sem eru hinum megin á hnettinum og færa þeim eitthvað líka,“ sagði Amorim.
Athugasemdir
