Pep Guardiola, stjóri Manchester City, segir að einungis 13 leikmenn í aðalliði sínu séu heilir heilsu fyrir leikinn gegn Leicester á sunnudag.
„Staðan er þannig að við erum bara með 13 leikmenn heila í aðalliðinu," sagði Guardiola eftir 2-1 sigur á Bournemouth í enska deildabikarnum í gær.
„Við þurfum á leikmönnum úr akademíunni að halda, ekki bara á æfingar heldur líka í leikjum."
Liam Delap, 17 ára framherji, fékk tækifærið gegn Bournemouth í gær og skoraði.
Liam er sonur Rory Delap sem vakti athygli fyrir löng innköst sín með Stoke í ensku úrvalsdeildinni.
Athugasemdir
