Gabriel Jesus, sóknarmaður Manchester City, var að sleppa í gegn og féll hann til jarðar með Ramos á hælunum á sér. Daniele Orsato, dómari leiksins, flautaði í flautu sína og sendi Ramos af velli. Ramos jafnaði þar með metið yfir flest rauð spjöld í Meistaradeildinni, eða fjögur talsins.

Smelltu hér til að sjá atvikið.

Fyrrum varnarmaðurinn Reynir Leósson var ekki á þeim buxunum að þetta væri rautt spjald eða brot þegar farið var yfir atvikið í Meistaradeildarmörkunum á Stöð 2 Sport. „Af hverju tekur VAR þetta ekki? Þetta er aldrei brot, aldrei nokkurn tímann," sagði Reynir.

„Ætlið þið að segja að þetta sé brot? Gleymdu þessu," sagði Reynir og þá sagðist Hjörvar Hafliðason vera sammála.

„Þetta er mjög lítið," sagði Hjörvar.