Felipe Anderson var öflugur í slagnum um Róm
Dusan Vlahovic er kominn með fjögur mörk í Seríu A
Brasilíski sóknarmaðurinn Felipe Anderson skoraði og lagði upp er Lazio vann Roma, 3-2, í nágrannaslag í Seríu A á Ítalíu í dag. Þetta var annað tap Roma undir stjórn Jose Mourinho.
Lazio komst yfir á 10. mínútu leiksins. Anderson teiknaði fullkomna sendingu á kollinn á Sergej Milinkovic-Savic, sem stangaði boltann yfir Rui Patricio í markinu.
Pedro Rodriguez tvöfaldaði forystuna gegn sínum gömlu félögum aðeins níu mínútum síðar. Roma-menn vildu fá vítaspyrnu í sókninni á undan en fengu ekki. Leikmenn Lazio keyrðu fram, boltinn til Ciro Immobile á vinstri vængnum sem átti glæsilega sendingu inn fyrir á Pedro og kláraði hann með góðu skoti í hægra hornið.
Roger Ibanez minnkaði muninn fyrir Roma á 41. mínútu. Það var hornspyrna beint af æfingasvæðinnu. Jordan Veretout tók hana á hausinn á Ibanez sem skallaði í fjærhornið. Felipe Anderson bætti við þriðja marki Lazio á 63. mínútu.
Luis Alberto átti konfektsendingu á Immobile, sem keyrði inn í teig og reyndi að finna færi gegn Patricio sem kom út á móti. Ítalski framherjinn lagði boltann fyrir Anderson sem kom á ferðinni og skoraði. Veretout minnkaði muninn með marki úr vítaspyrnu sex mínútum síðar.
Fleiri urðu mörkin ekki og Lazio fagnar sigri í nágrannaslagnum en liðið er með 11 stig í sjötta sæti á meðan Roma er í fjórða sæti með 12 stig.
Dusan Vlahovic var þá hetja Fiorentina gegn Udinese. Eina markið kom úr vítaspyrnu á 16. mínútu. Fjórða mark hans í deildinni á tímabilinu.
Sassuolo vann þá nýliða Salernitana 1-0 á meðan Empoli hafði betur gegn Bologna í markaleik, 4-2.
Úrslit og markaskorarar:
Lazio 3 - 2 Roma
1-0 Sergej Milinkovic-Savic ('10 )
2-0 Pedro ('19 )
2-1 Roger Ibanez ('41 )
3-1 Felipe Anderson ('63 )
3-2 Jordan Veretout ('69 , víti)
Empoli 4 - 2 Bologna
0-1 Kevin Bonifazi ('1 , sjálfsmark)
0-2 Musa Barrow ('11 )
0-2 Marko Arnautovic ('20 , Misnotað víti)
1-2 Andrea Pinamonti ('31 )
2-2 Nedim Bajrami ('54 , víti)
2-3 Marko Arnautovic ('76 )
3-3 Samuele Ricci ('90 )
Sassuolo 1 - 0 Salernitana
1-0 Domenico Berardi ('54 )
Udinese 0 - 1 Fiorentina
0-1 Dusan Vlahovic ('16 , víti)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 34 | 25 | 4 | 5 | 80 | 31 | +49 | 79 |
| 2 | Napoli | 35 | 21 | 7 | 7 | 52 | 33 | +19 | 70 |
| 3 | Milan | 35 | 19 | 10 | 6 | 48 | 29 | +19 | 67 |
| 4 | Juventus | 35 | 18 | 10 | 7 | 57 | 30 | +27 | 64 |
| 5 | Como | 35 | 17 | 11 | 7 | 59 | 28 | +31 | 62 |
| 6 | Roma | 34 | 19 | 4 | 11 | 48 | 29 | +19 | 61 |
| 7 | Atalanta | 35 | 14 | 13 | 8 | 47 | 32 | +15 | 55 |
| 8 | Bologna | 35 | 14 | 7 | 14 | 42 | 41 | +1 | 49 |
| 9 | Sassuolo | 35 | 14 | 7 | 14 | 43 | 44 | -1 | 49 |
| 10 | Lazio | 34 | 12 | 12 | 10 | 37 | 33 | +4 | 48 |
| 11 | Udinese | 35 | 13 | 8 | 14 | 43 | 46 | -3 | 47 |
| 12 | Parma | 34 | 10 | 12 | 12 | 25 | 40 | -15 | 42 |
| 13 | Torino | 35 | 11 | 8 | 16 | 39 | 58 | -19 | 41 |
| 14 | Genoa | 35 | 10 | 10 | 15 | 40 | 48 | -8 | 40 |
| 15 | Fiorentina | 34 | 8 | 13 | 13 | 38 | 45 | -7 | 37 |
| 16 | Cagliari | 35 | 9 | 10 | 16 | 36 | 49 | -13 | 37 |
| 17 | Lecce | 35 | 8 | 8 | 19 | 24 | 47 | -23 | 32 |
| 18 | Cremonese | 34 | 6 | 10 | 18 | 26 | 51 | -25 | 28 |
| 19 | Verona | 35 | 4 | 10 | 21 | 24 | 56 | -32 | 22 |
| 20 | Pisa | 35 | 2 | 12 | 21 | 25 | 63 | -38 | 18 |
