Leiknir tapaði 3-0 gegn Fram í fyrsta leik sínum í deildinni, en eftir rúmar 70 mínútur fékk spænski varnarmaðurinn Jesus Maria Meneses Sabater að líta rauða spjaldið.

Rauða spjaldið fékk hann fyrir að sýna línuverðinum puttann, en hann gerði það svo sannarlega ekki eins og myndir Hafliða Breiðfjörð sanna.

Það er ekkert sem segir til um það í reglum KSÍ að hægt sé að breyta dómnum og því hefur Leiknir kært framkvæmd leiksins og farið fram á að leikurinn verði endurtekinn. Leiknismenn vilja koma í veg fyrir að leikmaðurinn fari síðar í tveggja leikja bann ef hann fái annað rautt spjald í sumar. Hann segir að kæran sé líka ætluð þeim tilgangi að reglum um áfrýjanir á rauðum spjöldum verði breytt.

„Það er víst ekkert í regluverki KSÍ sem leyfir það að svona augljós mistök séu afturkölluð. Það er eitthvað sem þarf að laga," segir Magnús.

„Við skrifuðum greinargerð sem fór inn til aganefndar, á fund á þriðjudaginn. Mér skilst að þeir hafi ekki umboð til að fjalla um svoleiðis. Ef rautt spjald fer á loft er leikbann, það er eitthvað ferli sem þeir geta ekki stöðvað."

Leiknismenn eiga að mæta Þórsurum í Fjarðabyggðarhöllinni í Lengjudeildinni á morgun. Þar verður miðvörðurinn spænski í leikbanni.