Hafnaði launalækkun hjá Union og fær ekki að spila

Hann er eini leikmaður Union sem neitaði að taka á sig launalækkun vegna kórónuveirunnar.

„Það er eitt af grunngildum okkar hjá FC Union Berlin að við myndum þétt og náið samfélag þar sem við berjumst fyrir hvorn annan og stöndum með félaginu á erfiðum tímum," sagði Dirk Zingler, forseti Union Berlin.

„Sebastian er eini starfsmaður félagsins sem virðist ekki fara eftir þessum gildum. Félagið skilur ekki ákvörðun hans og er gríðarlega vonsvikið. Til að vernda móralinn í hópnum höfum við því ákveðið að Sebastian mun ekki lengur vera partur af aðalliðinu á leikdögum. Hann mun þó halda áfram að æfa með hópnum."

Polter er 29 ára gamall og hefur þessi fyrrum sóknarmaður QPR skorað 46 mörk í 104 leikjum fyrir Union Berlin. Hann hefur verið lykilmaður undanfarin ár í B-deildinni en er þó aðeins kominn með tvö mörk í þrettán leikjum í efstu deild.