„Fyrstu 45 mínúturnar eru örugglega lélegastu, lélegasta hlaup sem við höfum átt í sumar og við féllum í gildruna hjá þeim" sagði Óskar Hrafn Þorvaldsson þjálfari Breiðablik eftir jafnteflið gegn Stjörnunni í kvöld.
Lestu um leikinn: Breiðablik 1 - 1 Stjarnan
„Þeir mættu til leiks til að koma boltanum hratt upp, brjóta á okkur þegar þeir gætu og mér fannst við ekki svara þeim og þetta var bara svona pínu soft og ekki klárir í það en svo í seinni hálfleik fannst mér við gera meira en nóg til þess að vinna leikinn."
Mikið leikjaálag er hjá Breiðablik um þessar mundir. Fann Óskar Hrafn eitthvað þreytu merki á liðinu í dag?
„Já, það voru nokkrir menn orðnir mjög þreyttir, menn sem að hafa spilað mikið eru auðvitað orðnir þreyttir og eins og eðlilegt er en það er nægur tími í næsta leik."
Breiðablik er að fara til Kaupmannahafnar og mæta FCK í seinni leik þessara liði og má búast við allt öðrum leik en á Kópavogsvelli á þriðjudaginn síðasta. Hvernig ætla Blikar að nálgast verkefnið á Parken?
„Bara nákvæmlega eins og við nálguðumst þann leik, við ætlum að mæta þeim hátt, við ætlum að pressa þá og þora að halda boltanujm og vara þolinmóðir með boltann og það er eina leiðin fyrir okkur til að vera betri í því sem við erum að gera."
Viðtalið í heild má sjá í sjónvarpinu hér að ofan.
