Thierry Henry var methafinn með 360 mörk fyrir Mónakó, Juventus, Arsenal, Barcelona og New York Red Bulls.

Enginn Frakki hafði skorað meira en hann þangað til Karim Benzema gerði jöfnunarmark Real Madrid gegn Sevilla um helgina.

Það var mark númer 361 og er hann því markahæsti franski leikmaðurinn frá upphafi ef mörk með félagsliðum eru talin.

Henry er þó enn með flest mörk fyrir franska landsliðið eða 51 talsins en Olivier Giroud nálgast það met. Hann þarf aðeins fimm mörk til að jafna Henry. Benzema er einnig í góðum séns en hann er með 36 mörk og er orðinn fastamaður í landsliðinu eftir að hafa verið í sex ára útlegð.