Íslendingaliðin Nordsjælland og Horsens mættust í dönsku úrvalsdeildinni í dag.
Rúnar Alex Rúnarsson, sem var valinn í landsliðshópinn sem var opinberaður í dag, var að vanda í marki Nordsjælland en Kjartan Henry var fjarri góðu gamni hjá Horsens.
Rúnar Alex Rúnarsson, sem var valinn í landsliðshópinn sem var opinberaður í dag, var að vanda í marki Nordsjælland en Kjartan Henry var fjarri góðu gamni hjá Horsens.
Heimamenn í Nordsjælland komust í 2-0 með mörkum sitthvorumegin við hálfleikinn.
Gestirnir fengu vítaspyrnu á 66.mínútu sem Rúnar Alex varði og staðan enn 2-0 þangað til á 89.mínutu þegar Horsens minnkaði muninn. Nær komust gestirnir ekki og Nordsjælland fór því með 2-1 sigur af hólmi.
Þetta hefur því verið góður dagur fyrir Rúnar Alex.
Athugasemdir
