Rúnar Kristinsson, þjálfari KR, var heiðraður fyrir leik liðsins gegn Breiðabliki á Meistaravöllum, en hann er að stýra síðasta heimaleik sínum.
Lestu um leikinn: KR 4 - 3 Breiðablik
KR sendi á dögunum frá sér tilkynningu þar sem greint var frá því að Rúnar myndi láta af störfum eftir tímabilið.
Rúnar hefur stýrt liðinu frá 2017 og gerði meðal annars liðið að Íslandsmeisturum tveimur árum síðar. Áður stýrði hann liðinu frá 2010 til 2014 þar sem hann gerði liðið tvisvar að Íslandsmeisturum og bikarmeisturum í þrígang.
Hann og Kristján Finnbogason, markvarðarþjálfari KR, láta báðir af störfum eftir tímabilið og voru heiðraðir af Páli Kristjánssyni, formanni knattspyrnudeildar KR og Bjarna Guðjónssyni, framkvæmdastjóra félagsins.
Melkorka Rán Hafliðadóttir, styrktarþjálfari, var einnig heiðruð, en öll fengu blómvönd og gjafapoka fyrir vel unnin störf í þágu félagsins.
Kristján Finnbogason var einnig heiðraður
Melkorka Rán Hafliðadóttir fékk blómvönd og gjafapoka líkt og þeir Kristján og Rúnar
Athugasemdir
