Barcelona er enn með í hinni ótrúlega spennandi titilbaráttu sem er á Spáni þessa stundina.
Lionel Messi átti frábæran leik fyrir Börsunga í 2-3 útisigri gegn Valencia í kvöld. Það gekk erfiðlega fyrir Barcelona að brjóta Valencia á bak aftur og það voru heimamenn sem tóku forystuna á 50. mínútu leiksins. Gabriel Paulista, miðvörður Valencia, skoraði markið.
Barcelona fékk víti stuttu síðar. Messi klikkaði á vítapunktinum en náði að fylgja á eftir. Antoine Griezmann kom Barca svo yfir áður en Messi skoraði fallegt mark beint úr aukaspyrnu.
Carlos Soler náði að minnka muninn fyrir Valencia á 83. mínútu en þeir komust ekki lengra og lokatölur 2-3 fyrir Barcelona.
Barcelona er núna með jafnmörg stig og Real Madrid í öðru sæti, tveimur stigum frá toppnum þegar fjórar umferðir eru eftir. Valencia hefur átt vont tímabil og er í 14. sæti.
Fyrr í kvöld vann Cadiz 1-0 útisigur gegn Granada. Óvænt úrslit en Granada er í áttunda sæti og Cadiz í 12. sæti.
Granada CF 0 - 1 Cadiz
0-1 Ruben Sobrino ('39 )
Rautt spjald: Roberto Soldado, Granada CF ('88)
Valencia 2 - 3 Barcelona
1-0 Gabriel Paulista ('50 )
1-0 Lionel Andres Messi ('57 , Misnotað víti)
1-1 Lionel Andres Messi ('57 )
1-2 Antoine Griezmann ('63 )
1-3 Lionel Andres Messi ('69 )
2-3 Carlos Soler ('83 )
Önnur úrslit í dag:
Spánn: Villarreal lagði Getafe
Athugasemdir