Með sigri gat Bayern tryggt ser titilinn í 34. sinn í sögu félagsins en það leit ekki út fyrir að það yrði að veruleika eftir að búið var að flauta til loka fyrri hálfleiks.

Benjamin Sesko og Lukas Klostermann skoruðu fyrir Leipzig í fyrri og fóru heimamenn með tveggja marka forystu inn í hálfleikinn, en Bayern átti ótrúlega endurkomu í þeim síðari.

Eric Dier, sem mun yfirgefa Bayern í sumar, minnkaði muninn á 62. mínútu með skalla eftir hornspyrnu og jafnaði Michael Olise síðan metin með góðu skoti mínútu síðar.

Leroy Sane fullkomnaði endurkomu liðsins á 83. mínútu með þrumuskoti úr teignum og titillinn í augsýn.

Danski framherjinn Yussuf Poulsen var ekkert á þeim buxunum að fara leyfa Bayern að fagna á heimavelli sínum. Xavi Simons sendi hann í gegn seint í uppbótartíma og vippaði hann glæsilega yfir Jonas Urbig í markinu og í netið.

Þetta þýðir að Bayern er með níu stiga forystu á Bayer Leverkusen en Leverkusen-menn eiga leik til góða og eiga því enn tölfræðilegan möguleika á að vinna titilinn. Stigið var auðvitað mikilvægt fyrir Leipzig sem er með 50 stig í 6. sæti og enn í baráttu um Meistaradeildarsæti.

Gladbach og Hoffenheim gerðu ótrúlegt 4-4 jafntefli á heimavelli Gladbach og þá vann Stuttgart 1-0 sigur á níu leikmönnum St. Pauli.

RB Leipzig 3 - 3 Bayern
1-0 Benjamin Sesko ('11 )
2-0 Lukas Klostermann ('39 )
2-1 Eric Dier ('62 )
2-2 Michael Olise ('63 )
2-3 Leroy Sane ('83 )
3-3 Yussuf Poulsen ('90 )

Borussia M. 4 - 4 Hoffenheim
1-0 Fabio Chiarodia ('5 )
2-0 Rocco Reitz ('32 )
2-1 Arthur Chaves ('43 )
2-2 Marius Bulter ('54 )
3-2 Franck Honorat ('64 )
3-3 Adam Hlozek ('74 )
3-4 Haris Tabakovic ('81 )
4-4 Tim Kleindienst ('90 )

Union Berlin 2 - 2 Werder
0-1 Jens Stage ('2 )
0-2 Senne Lynen ('15 )
1-2 Tom Rothe ('37 )
2-2 Laszlo Benes ('84 )

St. Pauli 0 - 1 Stuttgart
0-0 Nick Woltemade ('60 , Misnotað víti)
0-1 Nick Woltemade ('88 )
Rautt spjald: ,Siebe Van Der Heyden, St. Pauli ('57)Nikola Vasilj, St. Pauli ('90)