Spænski varnarmaðurinn Ignacio Heras Anglada, betur þekktur sem Nacho Heras, á eftir að taka ákvörðun varðandi framtíð sína.
Honum stendur til boða að vera áfram hjá Víkingi í Ólafsvík en segist vera opinn fyrir því að spila í efstu deild.
Nacho var mikilvægur byrjunarliðsmaður og lék næstum alla leiki Ólafsvíkur í Inkasso-deildinni í sumar.
„Mér líkar vel við lífið í Ólafsvík en ég hef ekki tekið ákvörðun varðandi framhaldið þar," sagði Nacho.
„Ég hef áhuga á að spila aftur í efstu deild og mun skoða það."
Athugasemdir