banner
   fim 05. nóvember 2020 13:30
Fótbolti.net
Þjálfari ársins 2020: Hefur raðað inn titlum
Þorsteinn Halldórsson (Breiðablik)
Mynd: Fótbolti.net - Hafliði Breiðfjörð
Heimavöllurinn birti í dag uppgjörsþátt fyrir Pepsi Max-deild kvenna í ár og þar voru ýmsar verðlaunaafhendingar.

Þorsteinn Halldórsson, þjálfari Breiðabliks, var valinn þjálfari ársins en hann stýrði liðinu til sigurs í Pepsi Max-deildinni í ár.

„Þetta var engin spurning," sagði Hulda Mýrdal um valið.

Þorsteinn hefur gert frábæra hluti með Breiðablik undanfarin ár en liðið endurheimti Íslandsmeistaratitilinn í ár eftir að hafa tapað gegn Val í baráttunni í fyrra.

Þorsteinn stýrði Breiðabliki fyrst sumarið 2015 en síðan þá hefur liðið orðið þrisvar Íslandsmeistari og tvisvar bikarmeistari. Breiðablik var einnig komið í undanúrslit Mjólkurbikarsins í ár áður en keppni var hætt.

Hér að neðan má hlusta á Heimavöllinn.

Sjá einnig:
Lið ársins 2020
Efnilegust 2020: Hvert fer hún í framtíðinni?
Heimavöllurinn - Risa uppgjör á Maxinu, fimm vanmetnar og sú besta skeindi deildinni
Athugasemdir
banner
banner
banner
banner