Daníel Tristan byrjaði í sigri - Haugesund fær úrslitaleik á heimavelli

Daníel Tristan spilaði fyrstu 64 mínúturnar áður en honum var skipt af velli og urðu lokatölur 0-1 fyrir Malmö, þar sem sigurmarkið kom á 82. mínútu.

Daníel Tristan er 18 ára gamall og hefur komið við sögu í tveimur af síðustu fjórum keppnisleikjum Malmö.

Í norska boltanum var Anton Logi Lúðvíksson í byrjunarliðinu hjá Haugesund sem keppti úrslitaleik við Moss um sæti í efstu deild.

Anton Logi spilaði fyrstu 62 mínúturnar í markalausu jafntefli á útivelli gegn Moss. Seinni leikurinn fer fram á sunnudaginn og verður hreinn úrslitaleikur um hvort liðið fær þátttökurétt í efstu deild á næsta ári.

RFS 0 - 1 Malmö
0-1 Sergio Pena ('82)

Moss 0 - 0 Haugesund