Ólsarar eru búnir að tryggja sér Björn Axel Guðjónsson frá Lengjudeildarliði KV en þessi félagaskipti koma talsvert á óvart þar sem Björn Axel hefur skorað 5 mörk í 9 leikjum í Lengjudeildinni í sumar.
Hann færir sig niður um deild til að spila með Ólafsvík og verður spennandi að sjá hvernig honum mun ganga að raða inn mörkunum í 2. deild.
Björn Axel var valinn besti leikmaður 9. umferðar Lengjudeildarinnar og er ekki eini leikmaðurinn til að ganga í raðir Ólsara því Carlos Casanovas er einnig kominn.
Carlos, betur þekktur sem Pitu, er 31 árs varnartengiliður sem getur einnig spilað sem miðvörður. Hann kemur úr spænsku E-deildinni þar sem hann hefur verið að spila með Los Garres undanfarin ár.
Ólsarar binda vonir við að báðir þessir leikmenn verði löglegir þegar liðið mætir Haukum á föstudag.
Ólsarar eru óvænt í fallbaráttu með 8 stig eftir 10 fyrstu umferðir sumarsins.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
