Heimir sáttur eftir leik.
Heimir Hallgrímsson landsliðsþjálfari sat fyrir svörum á fréttamannafundi eftir sigurinn dramatíska gegn Finnlandi. Hér má sjá punkta sem komu fram á fundinum en upptaka af honum kemur
Lestu um leikinn: Ísland 3 - 2 Finnland
Um leikinn:
„Þessi leikur var stöngin út og það er óeðlilegt að Gylfi skori ekki úr vítaspyrnu. Leikmenn gáfu ekki upp, þegar þú sýnir svona karakter þá áttu alltaf möguleika. Þeir höfðu trúna og það er það magnaða við þetta lið. Þegar leið á leikinn fundu menn að það þurfti eitthvað að fara að gerast. Sem betur fer féll þetta okkar megin í lokin."
Um mörk Finna:
„Þetta var út úr karakter hjá íslenska liðinu í báðum mörkum. Það á alltaf að vera pressa á boltamann. Menn voru að gleyma sér. Yfir höfuð var samt ekki aga- eða einbeitingarleysi. Mér fannst við spila þennan leik nokkuð vel. Okkur fannst aldrei tímapunktur til að skipta því einhver var slakur inni á vellinum."
Um varnarleik Finna:
„Ókosturinn við að ganga vel er að andstæðingarnir vanmeta okkur aldrei og leikgreina okkur betur. Það vilja allir vinna okkur. Andstæðingurinn spilar öðruvísi en hann gerði fyrir tveimur til þremur árum. Við þurfum bara að læra inn á það. Þetta er ákveðin lexía."
Um sigurmarkið:
„Ég sá að það var fullt af mönnum að reyna að setja boltann í markið... mér er sama hvort það hafi verið löglegt eða ekki. Ég elskaði bara að sjá boltann í netinu."
Um Björn Bergmann:
„Björn hefur svipaða eiginleika og Jón Daði og Kolbeinn. Hann er sterkur í loftinu og öflugur líkamlega, við spilum mikið af löngum boltum og þá er gott að hafa þessa eiginleika. Björn er góður í fótbolta og hefur marga aðra kosti. Hann sýndi í dag að hann er góður en við höfum ekki séð það besta frá honum. Alfreð og Viðar eru svolítið líkir og við vildum hafa aðeins öðruvísi karakter."
Um meiðsli leikmanna:
„Við vildum ekki taka neina áhættu, Hannes og Jón Daði ættu að geta verið klárir í leikinn gegn Tyrklandi eftir tvo daga. Það var gott að geta hvílt þá í dag. Það er líklegt að þeir geti spilað á sunnudag. Emil er meira spurningamerki."
Um Ögmund:
„Við treystum honum 100% til að standa í markinu. Við vitum að hann hefur spilað vel á tímabilinu og spilað vel í stórum leikjum."
Um framhaldið:
„Það verður erfitt að ná í öll stig í þessum riðli. 4 stig eftir 2 leiki er góð byrjun og gefur okkur smá slaka.
Athugasemdir
