Benoit Badiashile, varnarmaður Chelsea, viðurkennir að hafa ekki vitað hvaða lið Noah væri þegar Chelsea dróst gegn því í Sambandsdeildinni. Liðin etja kappi á Stamford Bridge á morgun.
Fyrir lesendur sem ekki vita hvaða lið Noah er þá er það í Armeníu og með því leikur Guðmundur Þórarinsson. Í lok mánaðarins mun Víkingur leika gegn Noah í keppninni.
Fyrir lesendur sem ekki vita hvaða lið Noah er þá er það í Armeníu og með því leikur Guðmundur Þórarinsson. Í lok mánaðarins mun Víkingur leika gegn Noah í keppninni.
„Í hreinskilni sagt þá þekki ég ekki þetta lið, en við búum okkur undir að mæta þeim með þjálfarateyminu. Við viljum vinna þessa keppni og vitum að leikurinn á morgun er mikilvægur," segir Badiashile.
Það er mikil samkeppni um sæti í Chelsea liðinu og Badiashile hefur verið geymdur á bekknum í úrvalsdeildinni.
„Auðvitað vill maður spila alla leiki. Ég er ánægður hjá félaginu og vil vera hér áfram. Ég veit að það er erfitt að festa sig í sessi í þessu liði en ég er ákveðinn í að ná því. Enzo Maresca er frábær þjálfari og frábær manneskja. Við erum með sömu sýn á fótboltann."
Athugasemdir
