Fótbolti.net

fös 11. nóvember 2022 19:24

Sæbjörn Þór Þórbergsson Steinke

Jón Axel spáir í 16. umferð ensku úrvalsdeildarinnar

Jón Axel verður í eldlínunni í kvöld.

Mynd: Mummi Lú

Á bekknum hjá Grindavík í byrjun tímabils.

Mynd: Mummi Lú

Marínó Axel verður ánægður ef Leeds klárar þrjú stig.

Mynd: Fótbolti.net - Hafliði Breiðfjörð

Fimmtánda umferð ensku úrvalsdeildarinnar hefst í hádeginu á morgun með viðureign Manchester City og Brentford, sá leikur hefst klukkan 12:30. Við fáum átta leiki á laugardag og innifalið í því er eitt stykki kvöldleikur. Umferðinni lýkur svo á sunnudag með tveimur leikjum. Um er að ræða lokaumferðina fyrir HM hlé.

Körfuboltamaðurinn Jón Axel Guðmundsson, leikmaður Pesaro á Ítalíu og íslenska landsliðsins, spáir í leiki helgarinnar. Grindvíkingurinn verður í eldlínunni í kvöld (19:30 á RÚV) þegar íslenska landsliðið mætir Georgíu í undankeppni HM. Arnar Daði Arnarsson var spámaður síðustu helgar og var hann með fimm rétta.

Man City 4 - 0 Brentford (laugardagur 12:30)
Þetta verður leikur köttsins að músinni. Haaland mun koma sterkur inn eftir smá meiðsli og setur 2 mörk, leggur svo upp 2 fyrir Foden.

Bournemouth 0 - 0 Everton (laugardagur 15:00)
Þetta verður svokallaður baráttuleikur og lítið um gæði hjá báðum liðum. Fallslagur sem endar í jafntefli.

Liverpool 3 - 0 Southampton (laugardagur 15:00)
Auðveldur leikur fyrir Liverpool sem verða betri með hverjum leiknum og Mo Salah verður afram á skotskónum, verður með þrennu fyrir Liverpool.

N. Forest 2 - 1 C. Palace (laugardagur 15:00)
Kemur óvæntur sigur hjá Nottingham Forrest og þeir koma sér upp úr botninum með þessum sigri á Crystal Palace. Jesse Lingard setur eitt og leggur upp annað.

Tottenham 1 - 3 Leeds (laugardagur 15:00)
Harry Kane skorar fyrsta mark leiksins og Leeds lestin vaknar eftir það og setur þrjú. Marinó Axel Helgason verður glaðasti maður Íslands eftir góðan sigur hjá sínum mönnum.

West Ham 2 - 1 Leicester (laugardagur 15:00)
Verður tiltölulega auðveldur leikur fyrir West Ham, komast í 2-0 og svo á 85. setur Vardy eitt mark og kemur hita í leikinn, en Leicester munu ekki komast nær en það.

Newcastle 3 - 1 Chelsea (laugardagur 17:30)
Chelsea er ennþá að hugsa um tapið á móti Arsenal og leikmaður mánaðarins, Almirón, setur tvö og leggur upp eitt. Newcastle heldur áfram að blómstra eftir erfitt tímabil í fyrra.

Wolves 2 - 3 Arsenal (laugardagur 18:45)
Diego Costa mun koma sterkur til leiks og kemur Wolves 2-1 yfir inn í hálfleik en þá rankar Gabriel Jesus við sér og klárar leikinn fyrir Arsenal menn með tveimur mörkum í seinni hálfleik og Wolves fara beint á botninn.

Brighton 2 - 0 Aston Villa (sunnudagur 14:00)
Brighton koma inn fullir sjálfstrausts eftir sigur á móti Arsenal í EFL cup í vikunni og setja tvö strax í fyrri hálfleik. Verður markalaust í seinni halfleik og litið um færi, Brighton halda áfram að sækja stig og halda sér í efri hluta í deildinni.

Fulham 0 - 3 Manchester United (sunnudagur 16:30)
Verða erfið stig fyrir United en í seinni hálfleik vaknar risinn og Ronaldo verður kominn í World Cup form, setur þrennu í seinni hálfleik. Hann hendir jafnvel í Siuuuuuuuu í seinasta markinu eftir að hann klárar þrennuna og sýnir fólki að United þurfi ekki að hafa neinar áhyggjur, geitin er aftur mætt.

Fyrri spámenn:
Teddi Ponza - 8 réttir
Aron Mímir - 7 réttir
Nökkvi Þeyr Þórisson - 7 réttir
Tómas Þór - 6 réttir
Arnar Daði - 5 réttir
Magnús Valur - 5 réttir
Albert Hafsteins - 4 réttir
Adam Ægir Pálsson - 4 réttir
Magnús Kjartan - 4 réttir
Höskuldur Gunnlaugs - 4 réttir
Ingimar Helgi Finnsson - 4 réttir
Arna Sif - 3 réttir
Viðar Hafsteins - 3 réttir
Oliver Heiðarsson - 1 réttir

		L	U	J	T	ms:	mf:	mun	Stig
1	Arsenal	34	22	7	5	64	26	+38	73
2	Man City	33	21	7	5	66	29	+37	70
3	Man Utd	33	16	10	7	58	45	+13	58
4	Liverpool	34	17	7	10	57	44	+13	58
5	Aston Villa	34	17	7	10	47	42	+5	58
6	Brighton	34	13	11	10	48	39	+9	50
7	Bournemouth	34	11	16	7	52	52	0	49
8	Chelsea	34	13	9	12	53	45	+8	48
9	Brentford	33	13	9	11	48	44	+4	48
10	Fulham	34	14	6	14	44	46	-2	48
11	Everton	34	13	8	13	41	41	0	47
12	Sunderland	34	12	10	12	36	45	-9	46
13	Crystal Palace	33	11	10	12	36	39	-3	43
14	Newcastle	34	12	6	16	46	50	-4	42
15	Leeds	34	9	13	12	44	51	-7	40
16	Nott. Forest	34	10	9	15	41	45	-4	39
17	West Ham	34	9	9	16	42	58	-16	36
18	Tottenham	34	8	10	16	43	53	-10	34
19	Burnley	34	4	8	22	34	68	-34	20
20	Wolves	34	3	8	23	24	62	-38	17