Lestu um leikinn: Ísland U21 0 -  1 Portúgal U21

Leikmenn Portúgal koma margir hverjir úr portúgölsku deildinni en einnig frá stórum félögum í Evrópu. T.a.m. eru tveir leikmenn á mála hjá félögum í úrvalsdeildinni, einn hjá Frakklandsmeisturum Lille og einn frá Basel.

Tiago Djaló í vörninni er á mála hjá Lille, Nuno Tavares var keyptur til Arsenal í sumar, Fabio Silva er hjá Wolves, fyrirliðinn Vitinha er samningsbundinn Porto en var á láni hjá Wolves á síðasta tímabili, Joao Mario er einnig hjá Porto sem og Fabio Vieira og þá er Goncalo Ramos á mála hjá Benfica. Tomas Tavares er á mála hjá Basel en hann byrjar á bekknum í dag.

Arnar Laufdal Arnarsson vekur athygli á því í textalýsingu frá leiknum að Fabio Vieira var valinn besti leikmaður lokamóts U21 landsliða nú í vor. Portúgal lék þar til úrslita en tapaði gegn Þýskalandi. Tveir leikmenn úr því liði Portúgals eru í byrjunarliðinu í dag. Fyrirliðinn Vitinha spilaði einnig úrslitaleikinn gegn Þýskalandi. Tiago Djalo og Goncalo Ramos voru á bekknum.