Dean Smith, knattspyrnustjóri Aston Villa, vill meina að John Terry aðstoðarstjóri sinn sé ekki að fara neitt á næstunni.

Terry hefur verið sterklega orðaður við stjórastarfið hjá Bristol City í Championship-deildinni. Smith segir hins vegar að Terry sé skuldbundinn verkefninu hjá Aston Villa.

„Ég hef talað við John og hann er með sín augu á verkefninu hérna," sagði Smith við Sky Sports. „Við eigum mjög gott samband og njótum þess að vinna saman."

Smith útilokaði það hins vegar ekki að Terry, sem er fyrrum fyrirliði Chelsea, gæti farið eftir að tímabilið klárast.

Aston Villa er að berjast fyrir lífi sínu í ensku úrvalsdeildinni.