Jose Mourinho hefur verið duglegur að kvarta undan því hversu margar vítaspyrnur Manchester United virðist fá miðað við önnur lið.

Rauðu djöflarnir hafa unnið gífurlega margar vítaspyrnur undanfarin ár og segir Marcus Rashford að Mourinho geti kvartað eins og hann vill, en það hafi verið hann sjálfur sem kenndi leikmönnum Man Utd að láta sig detta innan teigs.

„Áður fyrr fengum við ekki svona mikið af vítaspyrnum, þegar Jose var hérna þá man ég eftir fimm eða sex skiptum sem ég átti að fá vítaspyrnu en fékk ekki," sagði Rashford.

„Það var Jose sem útskýrði fyrir okkur að við ættum að vera gáfaðir innan vítateigs og haga okkur rétt til að fá sem mest út úr stöðunni."

Það hefur ekkert lið fengið fleiri vítaspyrnur heldur en Man Utd, 27 talsins, síðan Ole Gunnar Solskjær tók við í desember 2018. Rashford hefur sjálfur unnið 11 spyrnur fyrir Man Utd, þar af 8 undir stjórn Solskjær.

Á síðustu leiktíð bættu Rauðu djöflarnir úrvalsdeildarmet yfir flestar vítaspyrnur á einu tímabili þegar þeir fengu 14 spyrnur dæmdar. Á þessari leiktíð hefur Man Utd fengið dæmdar 11 vítaspyrnur í öllum keppnum.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit