Chelsea hefur áhuga á því að fá vinstri bakvörðinn Layvin Kurzawa á láni frá Paris Saint-Germain.
Þetta kemur fram hjá Sky Sports. Franski fjölmiðillinn RMC segir að Chelsea sé í viðræðum við PSG um að fá leikmanninn á láni.
Ben Chilwell, vinstri bakvörður Chelsea, er meiddur og mun væntanlega ekki spila meira á þessu tímabili.
Marcos Alonso er því eini náttúrulegi vinstri bakvörðurinn í aðalliðinu í augnablikinu. Chelsea er því að skoða að fá annan vinstri bakvörð í þessum mánuði.
Kurzawa er möguleiki þar sem hann er ekki í stóru hlutverki hjá PSG og eru líkur á því að hann komi á láni út tímabilið til að veita Alonso samkeppni.
Athugasemdir