Gregg var ánægður með Rick í dag sem skoraði bæði mörk Þór
„Þetta var erfiður leikur en við sýndum mikinn karakter sérstaklega í seinni hálfleik og strákarnir eiga hrós skilið fyrir það," sagði Gregg eftir 2-1 sigur á móti Njarðvík í kvöld.
Lestu um leikinn: Þór 2 - 1 Njarðvík
Þór spilaði fyrri hálfleikinn undir getu.
„Fyrri hálfleikur var ekki okkar besti, staðan var 1-1 í hálfleik. Liðið getur kannski ekki alltaf verið frábært en eins og ég sagði áður þá sýndu strákarnir mikinn karakter í seinni hálfleik."
Heimamenn skoruðu strax í upphafi seinni hálfleiks.
„Við komum mjög ákveðnir til leiks í seinni hálfleik. Við byrjuðum seinni háfleikinn eins og ég vildi byrja fyrri hálfleikinn. Seinna markið var risastórt fyrir okkur."
Meiðslalistin hjá Þór sem var heldur langur er farinn að styttast.
„Það er alltaf virkilega gott að fá góða leikmenn til baka úr meiðslum og vonandi getum við valið úr öllum leikmannahópnum í næsta leik. Leikmennirnir sem hafa komið til okkar í glugganum hafa líka staðið sig mjög vel."
Rick Ten Voorde skoraði bæði mörk Þór í dag.
„Hann hefur mikið verið að spila á kantinum en vil spila í gegnum miðjuna og við sáum það í dag hvers vegna. Hann skoraði í dag og vonandi eigum við eftir að fá fleiri mörk frá honum."
Næsti leikur Þórs er á móti Aftureldingu á útivelli.
„Allir leikir eru erfiðir. Leikurinn í dag var virkilega erfiður. Njarðvík hefur bætt sinn leik síðan við mætum þeim síðast og eiga skilið kredit fyrir það. Það er engir auðveldir leikir, við þurfum bara að einbeita okkur að næsta leik og vinna hann."
Viðtalið er hægt að sjá í heild sinni hér að ofan.
