Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

mið 16. júlí 2025 18:00

Guðmundur Aðalsteinn Ásgeirsson
Víkingsvelli

Ekroth: Eitthvað sem við höfum rætt og erum sammála um

Oliver Ekroth, fyrirliði Víkinga.

Mynd: Fótbolti.net - Hafliði Breiðfjörð

Víkingar fagna marki í sumar.

Mynd: Fótbolti.net - Hafliði Breiðfjörð

„Mér líður vel. Þú ert alltaf spenntur fyrir svona leikjum og sérstaklega þegar þú spilar á heimavelli," segir Oliver Ekroth, fyrirliði Víkinga, í samtali við Fótbolta.net fyrir leik liðsins gegn Malisheva frá Kosóvó í forkeppni Sambandsdeildar UEFA á morgun.

Seinni leikur liðanna fer fram á morgun en Víkingar eru með 0-1 forystu eftir sigur í Kosóvó þar sem Nikolaj Hansen gerði sigurmarkið.

Ekroth segir það alltaf sérstakt að spila Evrópuleiki.

„Já, algjörlega. Það eru svona leikir sem þig hlakkar mest til. Sá hluti tímabilsins þegar þessir leikir koma upp og svo ertu líka að spila stóra leiki um helgar í deildinni, þetta er besti tíminn fyrir fótboltamenn," segir Ekroth.

„Við vissum ekki mikið um liðið fyrir fyrri leikinn. Það var erfitt að greina þá og ekki mikið af upplýsingum. Við vorum ánægðir með 1-0 sigur á útivelli en núna vitum við meira um þá og getum skoðað og greint fyrri leikinn. Við munum klárlega skila betri frammistöðu á heimavelli á morgun. Við förum inn í leikinn auðmjúkir og með rétt viðhorf."

Eiga einn eða tvo gíra inni
Víkingar hafa náð í góð úrslit á tímabilinu og eru á toppi Bestu deildarinnar með þriggja stiga forystu á Val og Breiðabliks. Samt líður manni eins og Víkingar eigi meira inni og Ekroth er hjartanlega sammála því.

„Ég er sammála því. Það er eitthvað sem við erum allir sammála um í liðinu og eitthvað sem við ræðum um. Við teljum okkur geta farið upp um einn eða tvo gíra," segir Ekroth.

„Við erum með nýjan þjálfara og nýtt þjálfarateymi sem eru með ferskar hugmyndir. Það tekur smá tíma. Stundum hefur þetta verið mjög gott hjá okkur, en líka mjög slæmt."

Sænski varnarmaðurinn segir liðið þurfa að finna ákveðið jafnvægi og taka leik sinn upp um nokkur skref þrátt fyrir að það hafi gengið vel hingað til í sumar.

„Við þurfum að aðlagast en erum samt að standa okkur vel og erum á toppnum. Það er sem er mikilvægast á endanum," sagði Ekroth en allt viðtalið er í spilaranum hér fyrir ofan.