Bo Henriksen og Gunnar Sigurðsson fagna sigri hjá Fram árið 2005.
Danski framherjinn Bo Henriksen spilaði með Fram, Val og ÍBV 2005 og 2006.
Bo þjálfar í dag Horsens í dönsku B-deildinni en hann kíkti til Íslands í vikunni til að lýsa leik U21 árs landsliðsins gegn Dönum í danska sjónvarpinu. Fótbolti.net ræddi við Bo á Laugardalsvelli fyrir leikinn.
Bo þjálfar í dag Horsens í dönsku B-deildinni en hann kíkti til Íslands í vikunni til að lýsa leik U21 árs landsliðsins gegn Dönum í danska sjónvarpinu. Fótbolti.net ræddi við Bo á Laugardalsvelli fyrir leikinn.
,,Ég elska Ísland, fólkið hérna, menninguna og andrúmsloftið," sagði Bo við Fótbolta.net í fyrradag.
,,Ég á vini hér og var að kaupa leikmann frá KR. Ég veit hvað er að gerast í íslensku deildinni og það er gaman að sjá að íslenskur fótbolti er á þeim stall sem hann á að vera. Það er ótrúlegt hvað þú getur gert með svona lítið af fólki."
Spenntur fyrir Kjartani Henry
Kjartan Henry Finnbogason kom til Horsens í ágúst og Bo er spenntur að sjá hann spila með liðinu.
,,Hann hefur verið meira og minna meiddur síðan að hann kom. Hann hefur verið óheppinn með meiðsli í baki. Hann er frábær leikmaður og ég hlakka til að sjá hann í fullu fjöri. Hann getur gert magnaða hluti. Hann er frábær leikmaður og hann á eftir að skora mikið fyrir okkur," sagði Bo sem hefur fylgst lengi með Kjartani.
,,Ég sá leiki með honum í sjónvarpinu og vinir mínir hérna eru að njósna fyrir mig. Við höfðum fylgst með honum í 6-7 mánuði til að sjá hvernig hann væri eftir meiðslin í fyrra. Við vitum hvað hann getur gert."
Bo vonast til að fá fleiri íslenska leikmenn í framtíðinni en hann hefur þó áhyggjur af of góðum árangri íslenska landsliðsins. ,,Vonandi, ef ég get það. Það er erfitt ef þeir standa sig svona vel. Þá verða þeir of dýrir," sagði Bo léttur.
Hér að ofan má sjá viðtalið í heild sinni.
Athugasemdir
