Davíð Örn Atlason vaknaði upp við vondan draum þegar hann sótti bíl sinn á Laugardalsvöll í fyrrdag, daginn eftir úrslitaleik Mjólkurbikarsins gegn FH því búið var að brjótast inn í bíl hans og stela gull medalíunni eftir leikinn.
Davíð og félagar hans í Víkingi urðu bikarmeistarar eftir 1-0 sigur og eftir leikinn fór hann ásamt liðsfélögum sínum að borða og að fagna titlinum.
Eftir leikinn setti Davíð gullmedalíu sína og fótboltadót í bílinn sinn áður en hann fór með liðsfélögum sínum að fagna.
Þegar Davíð kom að sækja bílinn daginn eftir var búið að brjótast inn í bílinn, stela medalíunni og fleiru.
„Þeir brutu afturrúðuna og tóku medalíu og skó og eitthvað," sagði Halldór Smári Sigurðsson í Víkings hlaðvarpinu.
Í Víkings Hlaðvarpinu fara Halldór Smári og Einar Guðnason, aðstoðarþjálfari Víkings, yfir bikarúrslitaleikinn. Halldór Smári var einnig gestur í Miðjunni á Fótbolta.net í gær þar sem hann og Logi Tómasson fóru yfir stöðuna.
Athugasemdir