KR og Leiknir R. mættust í dag klukkan 16:00 í Bestu Deild karla þar sem að leikar enduðu með 1-1 jafntefli en var Sigurður Höskuldsson þjálfari Leiknis ósáttur að taka ekki öll þrjú stigin?
"Já svo sannarlega, vorum skelfilegir í fyrri hálfleik komum út í seinni hálfleikinn og fannst við ´bossa´ leikinn fengum fullt fullt fullt af færum. Ótrúlegt hrós á liðið hvernig við komum inn í seinni hálfleikinn við gerðum tvær breytingar í hálfleik og þeir sem koma inn breyttu leiknum. Hugarfarið og hvernig við breyttum leiknum í seinni, ég er virkilega ánægður með strákana"
Lestu um leikinn: KR 1 - 1 Leiknir R.
Siggi talaði um skelfilegan fyrri hálfleik, hvernig þá?
"Fannst við bara hræddir og vildum ekki vera með boltann og einhvern veginn bara illa stemmdir en það gæti að vissu leiti verið eðlilegt miðað við okkar gengi upp á síðkastið en svo komum við inn í seinni hálfleikinn og að mínu viti bara virkilega góðir. Ég er ógeðslega svekktur að vinna þetta ekki en ofboðslega ánægður hvernig við brugðumst við og hvernig seinni hálfleikurinn var"
Siggi talar svo einmitt um þenna flotta síðari hálfleik, hvað gekk upp þar?
"Þorðum að vera með boltann, skilaboðin í hálfleik voru bara að allir þurftu að þora fá boltann til þess að gera og breyta leiknum fyrir okkur. Þeir sem komu inn á þorðu að vera með boltann og seinni hálfleikurinn virkilega góður"
Viðtalið má sjá í heild sinni hér fyrir ofan þar sem hann talar um frammistöðu Mikkel Dahl og hvernig skal byggja ofan á þessi úrslit.