Fótbolti.net

Ellefu dagar í Bestu - Gæðastjórinn útskýrir xF

Steini: Hún er á mun betri stað en fyrir hálfu ári

Davíð Örvar: Við gefum öllum liðum leik

Maggi: Hann átti frábæran leik í dag

41 árs Birkir Már: Vonandi í síðasta skipti sem ég næ ekki 90 mínútum

Valdimar Þór: Skil dómarann að gefa mér gult

Daniel Badu: Þessi leikur sýndi okkur að við eigum enn eitthvað í land

Sölvi Geir um óvænta innkomu Sveins Margeirs: Þetta er okkar leikmaður og við pössum upp á þá

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

mán 22. apríl 2024 23:05

Sverrir Örn Einarsson

Ólafur Kristjáns: Ekki hægt að gera neitt við því núna

Ólafur Kristjánsson þjálfari Þróttar

Mynd: Fótbolti.net - Hafliði Breiðfjörð

„Fylkisliðið til hamingju, komnar í deildina og spilaði af krafti. En leikurinn horfði þannig við mér að það voru smá taugar hjá báðum liðum í byrjun. Mér fannst við ná ágætis tökum á leiknum í fyrri hálfleik og skapa okkur góð færi. Þær eiga svo skot í þverslá og mér finnst aðeins koma titringur í mínar stelpur en mér fannst við ná okkur eftir það.“ Sagði Ólafur Kristjánsson um fyrri hálfleikinn er Þróttur undir hans stjórn gerði 1-1 jafntefli gegn Fylki á Wurth-vellinum fyrr í kvöld. Ólafur bætti svo við um síðari hálfleikinn.

Lestu um leikinn: Fylkir 1 - 1 Þróttur R.

„Við stjórnum seinni hálfleiknum til að byrja með en síðan með krafti og dugnaði sækir Fylkisliðið sér nokkur horn og skora gott mark fyrir þær. Ég var svo sem ekkert sáttur við það en ég held að þegar að rykið sest og maður horfir yfir leikinn þá hefðum við getað gert margt betur en það er ekki hægt að gera neitt við því núna.“

Lið Þróttar var þétt varnarlega í síðari hálfleik og var lið Fylkis lítið að skapa sér tækifæri í opnum leik. Þrátt fyrir það féll lið Þróttar ansi neðarlega á völlinn er líða fór á síðari hálfleikinn og kannski að einhverju leyti bauð hættunni heim. Eðlilegt viðbragð leikmanna sem eru að verja forystu?

„Já já það getur vel verið. Þær nátturulega spila boltanum snemma upp og fara beint. Það má svo sem alveg vera að við höfum ekki náð að ýta nógu mikið en mér fannst það aðallega það að þegar við komumst á boltann þá vorum við að missa hann of fljótt og þetta varð svona "transistion" leikur sem ég var ekki alveg sáttur með vegna þess að í fyrri hálfleik þegar við erum við stjórn þá látum við þær hlaupa og við vorum svolítið að hlaupa aftur á bak og sitja.“

Ólafur er að hefja sitt fyrsta tímabil með Þrótti og í senn sitt fyrsta tímabil með kvennalið í efstu deild. Hvernig horfir sumarið við honum?

„Bara spennandi, við sjáum það í kvöld að nýliðarnir þær eru sprækar. Víkingarnir vinna og Fylkir, sómi fyrir þær að þeirra leik og mikill kraftur í þessu liði. Svo eru það allir hinir leikirnir sem koma og ég er bara brattur. Skemmtilegt verkefni og leikur strax á laugardaginn þannig að þetta verður varla betra.“

Sagði Ólafur Kristjánsson en allt viðtalið við hann má sjá í spilaranum hér að ofan.