Alonso, Neto, Eze, Greenwood, Ramaj, Alli, Son og fleiri góðir í slúðri dagsins
banner
   fös 22. september 2023 20:15
Ívan Guðjón Baldursson
Þægilegt fyrir Willum og félaga - Jafnt hjá Stefáni
Mynd: Jónína Guðbjörg Guðbjartsdóttir

Willum Þór Willumsson var á sínum stað í byrjunarliði Go Ahead Eagles sem unnu þægilegan sigur gegn Fortuna Sittard í efstu deild hollenska boltans í kvöld.


Willum Þór lék allan leikinn í 3-0 sigri sem viðheldur frábærri byrjun félagsins á nýju tímabili.

GA Eagles eru með tíu stig eftir fimm fyrstu umferðir tímabilsins, í fimmta sæti deildarinnar, og leikur Willum mikilvægt hlutverk á miðjunni.

NAC Breda tapaði þá heimaleik í B-deild hollenska boltans, en Elías Már Ómarsson er fjarverandi vegna meiðsla. Breda hefur farið illa af stað á nýju tímabili án Elíasar og er aðeins með sjö stig eftir sjö umferðir.

Að lokum var Stefán ingi Sigurðarson í byrjunarliði Patro Eisden sem gerði jafntefli við Dender í B-deild belgíska boltans.

Stefán komst ekki á blað í jafnteflinu en Patro Eisden er í þriðja sæti deildarinnar, með ellefu stig eftir sex umferðir.

Go Ahead Eagles 3 - 0 Fortuna Sittard

NAC Breda 1 - 3 FC Emmen

Patro Eisden 1 - 1 Dender


Athugasemdir
banner
banner
banner
banner