Svo virðist sem Al-Hilal í Sádí-Arabíu sé ekki búið að gefast upp á því að fá Gylfa Þór Sigurðsson í sínar raðir.
Fjölmiðlamaðurinn Ekrem Konur segir frá því að félagið hafi enn áhuga á Gylfa.
Það var sagt frá því í október á síðasta ári að Gylfi hefði fengið tilboð frá Sádí-Arabíu á gluggadeginum þá. Gylfi afþakkaði boðið en hann var einnig orðaður við DC United í Bandaríkjunum á þeim tíma.
Blaðamaðurinn Konur segir að það sé búið að ræða við Gylfa og félag hans, Everton. Það sé nýr fundur mögulega á döfinni. Hann segir þó jafnframt að Gylfi hafi engan áhuga á því að spila í Sádí-Arabíu.
Gylfi er enn á góðum aldri, hann er bara 31 árs. Hann var að enda við það að eiga gott tímabil með Everton er hann er samningsbundinn þar út næstu leiktíð.
Everton er í stjóraleit eftir að Carlo Ancelotti tók við Real Madrid. Það er spurning hvaða hlutverk Gylfi mun hafa hjá nýjum stjóra.
👀Al-Hilal are interested in Gylfi Sigurdsson, who plays for Everton.
— Ekrem KONUR (@Ekremkonur) June 21, 2021
👥Talks have been held with Gylfi and his club Everton.Gylfi is not willing to play in Saudi Arabia.
💼A new meeting could take place soon.#AlHilal #Everton #Sigurdsson #الهلال
Athugasemdir