fim 25. maí 2023 14:30
Guðmundur Aðalsteinn Ásgeirsson
Alexandra í liði umferðarinnar - Sjáðu stórkostlegt mark hennar
Alexandra Jóhannsdóttir.
Alexandra Jóhannsdóttir.
Mynd: Fótbolti.net - Hafliði Breiðfjörð
Landsliðskonan Alexandra Jóhannsdóttir átti sannkallaðan stórleik um liðna helgi þegar Fiorentina vann sigur á Juventus í Íslendingaslag.

Alexandra gerði tvennu í leiknum sem endaði með 4-2 sigri Fiorentina.

Alexandra spilaði um 70 mínútur í leiknum en hún var að mæta Söru Björk Gunnarsdóttur sem spilar með Juventus. Sara spilaði einnig 70 mínútur en staðan var 3-2 Fiorentina í vil þegar þær voru teknar af velli.

Sjá einnig:
Alexandra úr sama fótboltaskóla og Sara: Ákveðin og með mikið keppnisskap

Alexandra er í liði umferðarinnar hjá ítölsku deildinni, skiljanlega. Hún var maður leiksins í stórum leik. Hún skoraði líka frábært mark sem kom til greina sem mark umferðarinnar en lenti í öðru sæti í kosningu aðdáenda deildarinnar. Hægt er að sjá markið hér fyrir neðan.

Juventus er búið að tryggja sér sæti í Meistaradeild Evrópu fyrir næsta tímabil en liðið situr í öðru sæti deildarinnar - AS Roma varð meistari. Fiorentina er í þriðja sætinu en ein umferð er eftir af deildarkeppninni.


Athugasemdir
banner
banner
banner
banner