Adam Örn Arnarson mun á morgun ferðast til Marbella á Spáni og í kjölfarið æfa með norska félaginu Tromsö. Tromsö var á síðustu leiktíð í efstu deild í Noregi en féll um deild fyrir áramót. Liðið leikur því í næstefstu deild á komandi leiktíð.
Adam Örn er samningsbundinn pólska félaginu Gornik Zabrze þar sem hann hefur verið síðasta árið. Hjá Gornik hefur Adam ekki náð að festa sig í sessi og gæti hann samið við Tromsö í næstu viku.
Adam Örn er samningsbundinn pólska félaginu Gornik Zabrze þar sem hann hefur verið síðasta árið. Hjá Gornik hefur Adam ekki náð að festa sig í sessi og gæti hann samið við Tromsö í næstu viku.
Adam er 24 ára gamall hægri bakvörður sem er uppalinn hjá Breiðabliki. Hann fór ungur til NEC Nijmegen í Hollandi og þaðan til Nordsjælland í Danmörku. Frá Nordsjælland fór hann svo til Álasunds í Noregi þar sem hann lék í þrjú tímabil áður en hann hélt til Póllands.
Adam lék árið 2017 sinn fyrst og eina A-landsleik til þessa þegar hann kom inn á gegn Mexíkó í æfingaleik.
Á heimasíðu Tromsö kemur fram að Adam muni æfa með Tromsö næstu daga og spila æfingaleik gegn Viking á sunnudag. Lars Petter Andressen, aðstoðarþjálfari Tromsö, sagðist vonast eftir því að Adam muni skrifa undir hjá Tromsö:
„Adam gerði vel síðast þegar hann lék í Noregi. Hann myndi passa vel inn í okkar lið. Við viljum auka breiddina í hægri bakverðinum. Hann kemur til Marbela svo við getum kynnst honum betur og Adam getur kynnst okkur líka. Við vonum að þetta endi með félagaskiptum," sagði Andressen.
Athugasemdir
