Evrópudeildin: Rosenborg kláraði Blika á fyrsta hálftímanum

Breiðablik heimsótti Rosenborg í forkeppni Evrópudeildarinnar og voru Blikar lentir fjórum mörkum undir eftir hálftíma.

Blikar spiluðu fínan bolta en varnarleikurinn var arfaslakur og nýttu heimamenn í Rosenborg sér það til fulls. Torgeir Borven skoraði tvennu á meðan Tore Reginiussen og Even Hovland bættu sitthvoru markinu við.

Síðari hálfleikur var jafnari og unnu Blikar hann. Viktor Karl Einarsson skoraði á 60. mínútu og minnkaði Tomas Mikkelsen muninn enn frekar undir lokin, en nær komust Blikar ekki og 4-2 sigur Rosenborg niðurstaðan.

Blikar eru því úr leik, rétt eins og Víkingur R. og FH verða von bráðar þar sem bæði lið eru að tapa sínum leikjum sem stendur.

Sjáðu textalýsinguna.