Leiknisljónin
Leiknisljónin hafa rofið einokun Silfurskeiðarinnar á verðlaununum sem stuðningsmenn ársins. Stuðningsmenn Leiknis skemmtu sér vel á fyrsta tímabili félagsins í efstu deild og lituðu deildina á líflegan hátt.
Stuðningurinn dugði þó ekki til að halda Breiðholtsliðinu uppi. Leiknisljónin hafa haft jákvæðnina að leiðarljósi og sleppt því að láta dómarann heyra það.
„Til hvers að öskra á dómarann? Það er miklu betra að styðja sitt lið," segir Aron Fuego Daníelsson, einn af forsprökkum Leiknisljónanna.
Leiknisljónin hafa vakið mikla athygli á Snapchat og fengið ýmsa til að bregða á leik. Nokkur snöppin hafa dansað á línunni.
„Við fórum einu sinni yfir strikið, við viðurkennum það," segja Leiknisljónin án þess að þetta sé staður og stund til að fara nánar út í það!
Sjá einnig:
Silfurskeiðin stuðningsmenn ársins 2014
Silfurskeiðin stuðningsmenn ársins 2013
Silfurskeiðin stuðningsmenn ársins 2012
Athugasemdir
