Þórir Jóhann Helgason lagði upp frysta mark Braunschweig í mikilvægum sigri í næst efstu deild í Þýskalandi í dag.
Liðið tók á móti Elversberg og vann 5-0 sigur en liðið lyfti sér upp úr fallsæti með þessum sigri. Þórir var tekinn af velli á 68. mínútu.
Sveinn Aron Guðjohnsen kom inn á sem varamaður þegar Hansa Rostock tapaði 2-0 gegn Holstein Kiel. Hólmbert Aron Friðjónsson var ekki í leikmannahópi Holstein Kiel.
Þá var Ísak Bergmann Jóhannesson í leikbanni þegar Dusseldorf vann 3-1 sigur á útivelli gegn Kaiserslautern. Holstein Kiel er í 2. sæti með 52 stig, tveimur stigum á eftir toppliði St. Pauli sem á leik til góða. Hansa Rostock er í 17. og næst neðsta sæti með 28 stig, tveimur stigum frá öruggu sæti en Dusseldorf er í 3. sæti með 46 stig.
Sveindís í úrslit þýska bikarsins
Það var stórleikur í dönsku deildinni í dag þegar Bröndby heimsótti Nordsjælland en Kristín Dís Árnadóttir lék allan leikinn fyrir Bröndby.
Staðan var 2-1 Bröndby í vil allt fram á lokamínútur leiksins þegar Nordsjælland jafnaði en Börndby tókst að skora sigurmarkið áður en flautað var til leiksloka. Bröndby er því með fjögurra stiga forystu á Nordsjælland og HB Köge á toppi deildarinnar.
Sveindís Jane Jónsdóttir sat allan tímann á varamannabekknum þegar Wolfsburg tryggði sér sæti í úrslitum þýska bikarsins með 9-0 sigri á Essen. Það gæti verið íslendingaslagur í úrslitum þar sem Bayern mætir Frankfurt í seinni undanúrslitaleiknum á morgun.