Ásgeir Hólm Agnarsson er hættur í meistaraflokksráði Völsungs vegna yfirlýsingar sem aðrir í ráðinu skrifuðu undir og sendu frá sér í gær vegna ummæla Jónasar Hallgrímssonar fráfarandi þjálfara liðsins um dómaramál í viðtali við Fótbolta.net í fyrrakvöld.
,,Ég skrifaði ekki undir þessa yfirlýsingu," sagði Ásgeir í samtali við Fótbolta.net í dag en hann hætti í knattspyrnuráði Völsungs í morgun vegna yfirlýsingarinnar.
,,Almenningur heldur að allt knattspyrnuráðið hafi skrifað undir því hann veit ekki hver er í knattspyrnuráði hér. Ég var einn af þeim sem var í knattspyrnuráði. Mér finnst sorglegt hvernig á að láta hann sitja einan í súpunni því þeir voru allir sammála honum. Menn hræðast eitthvað. Ég veiti Jónasi 100% stuðning."
Jónas Hallgrímssson tilkynnti í samtali við Fótbolta.net á þriðjudag að hann væri að hætta sem þjálfari Völsungs vegna dómgæslu í leikjum liðsins sem honum ofbauð. Í kjölfarið sendi knattspyrnuráð Völsungs frá sér yfirlýsingu í gær þar sem þeir hörmuðu ummæli Jónasar og slíkt hið sama gerði KSÍ.
Sjá einnig:
- Jónas Hallgrímsson hættur með Völsung vegna dómgæslu!
- Jónas Hallgrímsson útskýrir afhverju hann hætti vegna dómgæslu
- Yfirlýsing frá knattspyrnuráði Völsungs
- Yfirlýsing frá KSÍ vegna ummæla Jónasar Hallgrímssonar
- Jónas stendur við hvert einasta orð og hættir strax með Völsung
Athugasemdir