Fótbolti.net

Ólafur Hrannar: Skemmtilegur markmannskapall sem við höfum átt með Frömurum

Venni: Kjánalegt að stefna að einhverju öðru en að fara upp

Amin Cosic: Búinn að vera bíða eftir þessu marki í svona ár

Haraldur Freyr: Höllin er stór og þetta eru öðruvísi aðstæður

Ólafur Kristófer: Betra þegar það er minna að gera hjá mér

Gunnar Heiðar: Fannst við aldrei vera minna liðið

Árni Freyr: Óli varði víti svo við sættum okkur við stigið

„Verðum að taka þetta með okkur á koddann og koma graðir í næsta leik"

Gunnar Már: Sama hvað maður segir er ekki hlustað á mann

Hemmi: Við verðum þar, það er morgunljóst

„Þurfum að hætta því að kveikja ekki á okkur í byrjun"

„Það verða læti í okkur, það er alveg klárt"

Gunnar Heiðar: Verður gaman að fá þá á grasið okkar

Nik: Hún hefði í raun ekki átt að spila neitt en hefur gert frábærlega

Óskar Smári eftir 7-1 tap: Furðulegt en satt þá líður mér bara vel

Bjarni Mark: Ég er bara svona kartafla

Túfa um gagnrýni á Val: Ég skil ekkert í þessari umræðu

Viktor Freyr um markmannsmálin: Þetta kom alveg á óvart

Magnús Már: Vantaði meiri áræðni í teignum og meiri grimmd

Rúnar: Náðum aðeins að hrista upp í þeim og hræða þá

fös 06. september 2024 22:11

Guðmundur Aðalsteinn Ásgeirsson
Laugardalsvelli

Logi náði sínu stærsta markmiði - „Þessi draumur var ekki svo raunhæfur"

Orri Steinn Óskarsson og Logi Tómasson í leiknum í kvöld.

Mynd: Fótbolti.net - Hafliði Breiðfjörð

„Tilfinningin er bara mjög góð. Ég er sáttur við að halda hreinu og sáttur við að vinna," sagði Logi Tómasson við Fótbolta.net eftir 2-0 sigur gegn Svartfjallalandi í kvöld.

Logi var að spila sinn fyrsta keppnisleik með íslenska landsliðinu; draumur að rætast.

Lestu um leikinn: Ísland 2 - 0 Svartfjallaland

„Þetta hefur verið draumur. Þessi draumur var ekki svo raunhæfur fyrir nokkrum árum þegar maður var á bekknum á Íslandi. Ég hef tekið mörg skref síðustu tvö, þrjú ár. Þetta sýnir að hver sem er getur komist alla leið ef hann hefur virkilega trú á því og leggur inn vinnuna."

„Ég er stoltur af því að vera kominn með alvöru landsleik, og að hafa unnið leikinn líka."

Það eru ekki mörg ár síðan Logi var lánaður í FH frá Víkingi. Tækifærin voru að skornum skammti. Núna er atvinnumaður í Noregi og landsliðsmaður í þokkabót.

„Ég setti mér markmið fyrir þremur eða fjórum árum að ég ætlaði að komast út og gulrótin er að komast í landsliðið. Hér er maður í landsliðinu og búinn að spila fyrsta keppnisleikinn sem er helvíti gaman. Þetta er sennilega mitt stærsta markmið og ég er búinn að ná því núna," segir Logi.

„Ég vissi alveg að ég hefði þetta í mér. Sölvi, Kári og þessir í Víkingi hjálpuðu mér mikið. Og Arnar náttúrulega."

Hægt er að sjá allt viðtalið í spilaranum hér að ofan.