Eiður Ben Eiríksson
„Ég er bara stoltur af liðinu, við lögðum allt sem við gátum í þetta. En auðvitað ótrúlega svekktur að fá ekkert út úr þessum leik því ég held að við höfum alveg gert nóg til fá eitthvað út úr þessum leik. “Sagði Eiður Ben Eiríksson þjálfari Þróttar Vogum um leikinn eftir 3-0 tap Þróttar gegn Fjölni í Vogum í gærkvöld.
Lestu um leikinn: Þróttur V. 0 - 3 Fjölnir
Talsvert jafnræði var með liðunum í fyrri hálfleik en Þróttur fékk líklega betri færi á þeim tíma leiksins en tókst ekki að skora. Fjölnismenn komu ákveðnari út í seinni hálfleikinn og gengu frá leiknum á tiltölulega stuttum tíma þá á meðan Þróttarar virkuðu hálf daufir.
„Það var ákveðið högg að fá þetta mark á sig og við hefðum átt að bregðast betur við. En annað markið er bara vel gert hjá Viktori Andra og svo þriðja markið beint úr horni þannig að þetta var bara vont. “
Stutt er í að félagaskiptaglugginn loki. Er Eiður að leita að leikmönnum til að bæta hópinn?
„Nei. Þetta er hópurinn sem ég er með og það voru frábærir leikmenn sem voru skildir eftir utan hóps og frábærir leikmenn á bekknum sem voru klárir að koma inn.“
Sagði Eiður en allt viðtalið má sjá hér að ofan.
