Jóhannes Karl Guðjónsson.
„Við höfum alveg átt betri daga á heimavelli en komum okkur samt sem áður í fína stöðu," sagði Jóhannes Karl Guðjónsson, þjálfari ÍA, eftir 2-2 jafntefli við HK í Pepsi Max-deildinni.
„Eftir að við komumst í forystu þá hefði ég nú viljað sigla þessu heim. En því miður þarf maður enn og aftur að vera tala um ákvarðanir dómara, ekki einu sinni dómara leiksins heldur aðstoðardómara sem er einhverja 50 metra frá atvikinu. Það er hann sem dæmir þetta víti."
„Eftir að við komumst í forystu þá hefði ég nú viljað sigla þessu heim. En því miður þarf maður enn og aftur að vera tala um ákvarðanir dómara, ekki einu sinni dómara leiksins heldur aðstoðardómara sem er einhverja 50 metra frá atvikinu. Það er hann sem dæmir þetta víti."
Lestu um leikinn: ÍA 2 - 2 HK
„Mér finnst pirrandi að þurfa að tala um þetta aftur og aftur. Þetta er endalaust hendi víti - ekki hendi. Hendin er niður með síðu hjá varnarmanninum okkar sem fær boltann kannski í höndina, ég gat ekki séð það nógu vel. Ég sá alla vega að hendurnar voru niðri með síðu og þá er þetta ekkert hendi."
„Við stóðum okkur ekki alveg nógu vel, en pirrandi samt að tapa niður þessum leik á svona víti," sagði Jói Kalli.
ÍA vann 4-1 sigur á Val á útivelli síðasta föstudagskvöld. ÍA sýndi ekki alveg jafn góða frammistöðu í kvöld.
„HK-ingarnir lokuðu á okkar uppspil að stóru leyti, þeir lokuðu svæðunum vel á milli varnar og miðju. Við komumst oft í þessi svæði en þá var fyrsta snertingin að svíkja okkur. Við sköpuðum alveg færi til að vinna þennan leik en því miður heppnaðist það ekki."
Viðtalið er í heild sinni hér að ofan.
Athugasemdir
